“Azərişıq” Açıq Səhmdar Cəmiyyəti Göygöl rayonu ərazisində yeni elektrik yarımstansiyasının tikintisi ilə bağlı müsabiqə elan edib.
Banker.az xəbər verir ki, müsabiqə 110/35/10 kV-luq, 2×40 MVA gücündə yarımstansiyanın və idarəetmə mərkəzinin tikintisini, avadanlıqların quraşdırılmasını, həmçinin 110 kV-luq “Daşkəsən 1–2” hava xəttindən budaqlanma işlərini əhatə edir.
Layihə üzrə ehtimal olunan qiymət 27 milyon 252 min manat təşkil edir.






