ABŞ Milli Yol Hərəkəti Təhlükəsizliyi Adminstrasiyası (NHTSA) ABŞ-də ümumilikdə 642 698 ədəd “Rogue” model SUV avtomobilin geri çağırıldığını açıqlayıb.
Bildirilir ki, geri çağırış mühərrik və sürət qutusunda yaranan nasazlıqlar səbəbindən sürücülük gücünün itirilməsi riski ilə əlaqədardır.
Tənzimləyici qurumun məlumatına görə, şirkət qaz paylayıcı mexanizmdə (sürət qutusunun dişlilərində) mümkün sıradan çıxma ehtimalı səbəbindən “Nissan” şirkəti 318 781 ədəd “Rogue” SUV-ni geri çağırır.
Bundan əlavə, mühərrik zədələnməsi riski ilə əlaqədar daha 323 917 ədəd avtomobil geri çağırılacaq. Qeyd olunur ki, bu nasazlıq isti mühərrik yağının axmasına səbəb ola bilər. Nəticədə mühərrikin yanması və idarəetmə gücünün itirilməsi riski artır.
NHTSA bildirib ki, dilerlərə hər iki geri çağırış çərçivəsində mühərrik idarəetmə proqram təminatının yenidən proqramlaşdırılması və zərurət yaranarsa, nasaz komponentlərin dəyişdirilməsi tövsiyə olunub.
