Çində nüvə elektrik stansiyalarının ümumi quraşdırılmış gücü 125 milyon kVt-a çatıb və ölkə bu göstərici üzrə dünya liderinə çevrilib.
Bu barədə Çin Nüvə Enerjisi Assosiasiyası tərəfindən dərc edilmiş sənəddə məlumat verilib.
Sənədə əsasən, hazırda Çində 60 nüvə enerji bloku kommersiya istismarındadır. Daha 36 blok isə tikilməkdədir ki, bu da qlobal miqyasda inşa olunan nüvə reaktorlarının yarıdan çoxunu təşkil edir. Bundan əlavə, 16 blok hökumət tərəfindən təsdiqlənib və tikintisinə başlanılması gözlənilir.
Hesabatda qeyd olunur ki, Çin 2026-cı ildə artıq iki yeni enerji blokunun tikintisinə başlayıb və ilin sonunadək yeddi blokun istismara verilməsi planlaşdırılır.
