Avropa Mərkəzi Bankının (ECB) prezidenti Kristin Laqard bildirib ki, ən azı 2026-cı ilin sonuna qədər vəzifəsini tərk etməyi planlaşdırmır. Onun səlahiyyət müddəti 2027-ci ilin oktyabrında başa çatır.
“Üfüqdə qara buludlar toplaşanda kapitan gəmini tərk etmir”, — deyə Laqard iyulun 23-də keçirdiyi mətbuat konfransında jurnalistlərə bildirib. Bu barədə Bloomberg məlumat yayıb.
70 yaşlı Kristin Laqard 2019-cu ilin noyabrından Avropa Mərkəzi Bankına rəhbərlik edir.
Bloomberg-in sorğusunda iştirak edən iqtisadçıların fikrincə, onun ən real varisi İspaniya Bankının keçmiş rəhbəri Pablo Ernandes de Kosadır. O, hazırda Beynəlxalq Hesablaşmalar Bankına (BIS) rəhbərlik edir.
