2026-cı il iyulun 1-i vəziyyətinə ölkə üzrə təyin olunmuş pensiyaların orta aylıq məbləği 594,40 manat təşkil edib. Bölgələr üzrə baxıldıqda isə pensiya məbləğlərində ciddi fərqlər diqqət çəkir.
Banker.az bu barədə Dövlət Statistika Komitəsinə istinadən xəbər verir.
Ən yüksək pensiya harada verilir?
Ölkə üzrə ən yüksək göstərici 817.65 manatla Bakı şəhərinin payına düşür. Şəhərlər arasında növbəti yerləri Şirvan (498,04 manat) və Sumqayıt (493,80 manat) tutur.
Rayonlar arasında isə ən yüksək orta aylıq pensiya göstəricisi Şərqi Zəngəzur və Qarabağ iqtisadi rayonlarında qeydə alınıb. İlk beşlik aşağıdakı kimidir:
-
Zəngilan rayonu: 501,39 AZN
-
Şuşa rayonu: 491,13 AZN
-
Siyəzən rayonu: 489,33 AZN
-
Abşeron rayonu: 484,81 AZN
-
Qubadlı rayonu: 477,83 AZN
Ən aşağı göstəricilər hansı rayonlardadır?
Respublika üzrə ən aşağı orta aylıq pensiya Xocalı rayonunda (438,27 manat) qeydə alınıb. Minimum göstəricilərə malik digər rayonlar sırasına Balakən (442,42 manat), Xızı (445,00 manat), Ağdam (447,43 manat) və Zaqatala (447,94 manat) daxildir.
Qeyd edək ki, respublika üzrə pensiyaçıların ümumi sayı 1 milyon 99 min 979 nəfərdir.
