Forbes jurnalı dünya milyarderlərinin ən qəribə hobbiləri barədə informasiya dərc etdi, nəşrin məlumatlarına əsasən dünyanın ən zəngin insanları təkcə bahalı yaxtalar, maral ovu, antikvar əşyalar və super bahalı avtomobillər ilə maraqlanmır.
Jurnal qeyd edir ki, Devid Rokfeller böcək kolleksiyası toplayırmış. Məsələn o hər dəfə səyahətə çıxarkən cibində xüsusi, xırda ölçülü konteyner gəzdirirmiş ki, əgər təsadüfən qarşısına qeyri adi həşərat çıxarsa onu tutub saxlaya bilsin. Onun kolleksiyasında unikal skarabey böcəyinin növü vardır, bu həşərat qədim Misir fironlarının pərəstiş obyekt idi. Milyarder tərəfindən aşkar olunmuş sərtqanadlı böcəyə isə “Diplotaxis rockefelleri” adı verilmişdir.
Yeri gəlmişkən 7 yaşında böcəklərə qarşı xüsusi marağının olduğunu aşkar etmiş Rokfeller, bu sevimli məşğuliyyətini bu günə qədər qoruyub saxlaya bilmişdir. Onun həşəratlara qarşı həvəsi hələ də itməmişdir. Belə xəbər verilir ki, onun skarabey böcəyi kimi, bütünlüklə kolleksiyasının digər üzvləri də Harvard universitetinin Zoologiya universitetinə vəsiyyət edilib.
Öz növbəsində, Bank of Americanın ən böyük səhm paketinə sahib olan bankir Klemmi Daykson Spenqlerin sevimli məşğuliyyəti olduqca maraqlıdır –o, boş vaxtlarında qədimi saatları düzəltməyi xoşlayır. Bu zaman milyarder qeyd edib ki, köhnə mexaniki saatların əhatəsində olmağı, olduqca qeyri stabil, dəyişkən və gözlənilməz olan insanların yanında olmaqdan daha üstün tutur.
Onun bu hobbisi 45 il bundan əvvəl başlayıb, bu zaman ona anasının hədiyyə etdiyi 17-ci əsrə aid saat birdən birə dayanıb və bankir özü saatın mexanizminə nəzər salmaq qərarını verib. Beləliklə evlərinə işləməyən və dayanmış divar saatları qalmayanda o balaca bir saatsaz emalatxanası açmaq qərarına gəlir. Beləliklə burda o, köhnə qədimi saatları təmir edir.
Daha bir milyarder Qordon Qetti neft biznesini atır ki, opera bəstələmək ilə məşğul olsun. Belə ki, o özünün ən məşhur əsərini Şeksperini yaratmış olduğu personajın adı Falstaf adlandırır. Məlumatlara görə onun operası bir neçə dəfə məşhur orkestrlərin ifasında səslənib.
Bundan əlavə milyarder və futbol klubunun sahibi Ceyms Ayrsi musiqi alətlərinin kolleksiyasını yığır. Hətta onun kolleksiyasına Corc Harrisonun və Cerri Qarsianın ifa etdiyi gitaralar da daxildir. Nəşrin verdiyi məlumata əsasən kolleksiyaya daxil olan gitaralar misilsizdir, ona görə o, bu gitaraları alarkən heç vaxt xəsislik etmir.
Bundan əlavə amerikalı milyarderlər marka, Bibliya, poster, qəpik pullar toplayır, kim isə yük maşınlarını və yolsuzluq avtomobillərini idarə etməyi xoşlayır, o cümlədən də Heri Meyqnes. Bu milyarderin vintajlı avtomobillər kolleksiyası vardır.
