“Azərbaycan Respublikasında rezident və qeyri-rezidentlərin xarici valyuta əməliyyatlarının aparılması Qaydaları”nın tətbiqinin xaricdə ödəniş kartları ilə edilən əməliyyatlarla əlaqəsi müzakirə edilib.
Azərbaycan Banklar Assosiasiyasının “Ödəniş sistemləri və Alternativ Xidmət Kanalları” üzrə Ekspert Qrupunun 17 fevral 2017-ci il tarixində keçirilən iclasında bu məsələ ətrafında fikir mübadiləsi aparılıb.
Sektor üzrə ekspert olan bank nüməyəndələrinin və aidiyyəti qurumların təmsilçilərinin iştirak etdiyi iclasda yeni qaydaların xaricdə ödəniş kartları ilə aparılan əməliyyatlara nə dərəcədə təsir edəcəyi və qaydaların kart istifadəçiləri üçün ən rahat formada necə tətbiq edilməli olduğunu müzakirə ediblər.
Həmçinin vergi qanunvericiliyində edilən bəzi dəyişikliklərin tətbiqi ilə bağlı məsələlərə də toxunulub.
Bundan əlavə görüş zamanı Ekspert Qrupunun 2017-ci il üçün iş planı da təsdiqlənib.
