ABŞ-da “McDonald’s” restoranlarının işçilərinin əmək haqqı artırılacaq. Banker.az bu barədə “Secretmag”a istinadən xəbər verir.
CNBC-nin verdiyi məlumata görə, təxminən artım 36 500 insana təsir edəcək. Qeyd edildiyi kimi, orta hesabla işçilərin saatlıq əmək haqqı 10% artacaq.
Kassir və mətbəx işçiləri saatda 11-17 dollar, növbətçi nəzarətçilər isə saatda 15-20 dollar qazanacaqlar. Xatırladaq ki, “McDonald’s” işçilərinin əmək haqının artırılması ilə bağlı qərar 19 may tarixindəki kütləvi tətildən sonra verilib.
Etiraz aksiyası “fast-food” nəhənginin “Fight for $15” adlı hərəkatının fəalları tərəfindən təşkil edilib. Onun təşkilatçıları 2020-ci ildə “McDonald’s”un 5 milyard dollar mənfəət əldə etdiyini vurğulayıblar. Eyni zamanda koronavirus səbəbindən sağlamlığını riskə atan adi işçilər minimum əmək haqqının saatda 15 dollara qədər artırılmasına nail ola bilməyiblər.
