ABŞ-da keçmiş demokratlar və respublikaçılar üçüncü partiya yaradacaqlar, “Reuters”in verdiyi məlumata görə, yeni partiya “Forward” adlanacaq və ona prezidentliyə keçmiş namizəd Endryu Yanq və Nyu-Cersi ştatının keçmiş qubernatoru Kristin Todd Uitman həmsədrlik edəcəklər.
Banker.az bu barədə xarici mediaya istinadən xəbər verir.
Onlar dəstəyi artırmaq üçün payızda ABŞ-ın 20 şəhərində tədbirlər keçirəcəklər. Sentyabrın 24-də Hyustonda onlar partiyanın işinə rəsmən start verəcəklər. İlk konqresin 2023-cü ilin yayında keçirilməsi planlaşdırılır.
“Forward” üç siyasi hərəkatın birləşməsi nəticəsində yaranacaq: “The Forward Party”, “The Renew America Movement” və “The Serve America Movement”. O, 2023-cü ilin sonuna qədər 30 ştatda, 2024-cü ilin sonuna qədər isə 50 ştatın hamısında partiyaların qeydiyyatı və seçki bülletenlərinə çıxış əldə etməyi hədəfləyir. Həmin ildə prezident və Konqres seçkiləri keçiriləcək.
