5 C
Baku
Thursday, February 22, 2024

ABŞ Səudiyyə ilə 15 milyardlıq hərbi saziş imzaladı

Səudiyyə Ərəbistanı “Lockheed Martin” şirkətinin istehsalı olan “THAAD” raketdən müdafiə sistemlərinin alınması barədə ABŞ-la 15 milyard dollar dəyərində hərbi saziş imzalayıb.

Banker.az Azvision-a istinadla xəbər verir ki, bu barədə ABŞ Dövlət Departamentinin məlumatında bildirilib.

“26 noyabrda Səudiyyə Ərəbistanı və ABŞ-ın vəzifəli şəxsləri “təklif və təklifin qəbul edilməsi haqqında məktublar”ı imzalayıblar. Ölkəmizin, o cümlədən də İsrailin və regiondakı digər tərəfdaşlarımızın maraqlarının təmini məqsədilə ABŞ Səudiyyə Ərəbistanının etibarlı tərəfdaşı olaraq qalmaqda niyyətlidir”, – məlumatda vurğulanıb.

Həmçinin, qeyd olunub ki, 2017-ci ilin dekabrında Dövlət Departamenti Ər-Riyada 44 “THAAD” kompleksi, 360 ədəd hədəftutucu raketlər, 16 idarəetmə qurğusu və 7 ədəd radar sisteminin satılması barədə ümumilikdə 15 milyard dollarlıq sazişin imzalanmasına dair ABŞ Konqressini məlumatlandırmışdı.

Xatırladaq ki, hazırkı saziş Səudiyyə ilə ABŞ arasındakı 450 milyard dollarlıq hərbi anlaşmanın tərkib hissəsidir.

Son xəbərlər
Digər xəbərlər