15 C
Baku
Friday, March 29, 2024

AGBank maliyyə vəziyyətinin yaxşılaşdırılması üçün “Yol xəritəsi” hazırlayıb

AGBank-dan verilən məlumata görə, bankın kapital dayanıqlığının artırılması məqsədilə 7 mln. manat məbləğində yeni səhm emisyyası həyata keçirilmiş və bundan 1,2 mln. manat artıq yerləşdirilmişdir. Yerləşdirilməyən 5,8 mln. manat məbləğində səhm emissiyasının ilin sonuna qədər yerləşdirilməsi nəzərdə tutulur. Digər tərəfdən bankın maliyyə vəziyyətinin yaxşılaşdırılması məqsədilə bankın menecmenti tərəfindən “Yol xəritəsi” işlənib hazırlanmışdır. Bu sənəddə bankın xərclərinin optimallaşdırılması, gəlirliyinin artırılması və digər maliyyə göstəricilərinin yaxşılaşdırılması məqsədilə kompleks tədbirlər öz əksini tapmışdır. Kredit portfeli üzrə gəlirliyinin artırılması, faiz öhdəliklərinin azaldılması və problemli kreditlərin ödənişi istiqamətində görülən tədbirlər bankın məcmu kapitalının müəyyən edilmiş limitlər çərçivəsində saxlanılmasına imkan yaradır. Müqayisə üçün qeyd etmək istəyirik ki, cari ilin I rübünə nisbətdə bankın məcmu kapitalı II rübdə 2,6% artmışdır.

Əlavə olaraq onuda bildirmək istəyirik ki, bankın nizamnamə kapitalı son yerləşdirmədə sonra 103,4 mln. manat təşkil edir.

Bankın bazarı tərk etmək sualınıza cavab olaraq bildiririk ki, bankın menecmentinin gələcək planı “AG Bank”ı güclü, dayanıqlı və rəqabətqabiliyyətli müasir bank səviyyəsinə çatdırmaqdır.

Son xəbərlər
Digər xəbərlər