Avropa İttifaqı (Aİ) Liviyadakı Nümayəndəliyinin fəaliyyətini bərpa edir.
Bu barədə Aİ Nümayəndəliyinin rəhbəri Sabadell Xose “Twitter” hesabında bildirib.
“Aİ Nümayəndəliyi bu gün Tripolidə yenidən açılır. Bu, böyük irəliləyişdir, Liviya səlahiyyətliləri, vətəndaş cəmiyyəti və tərəfdaşlarla birbaşa və effektiv işləyə biləcəyik”, – deyə Aİ diplomatı bildirib.
Qeyd edək ki, Aİ 2011-ci ildə Tripolidə Nümayəndəlik açsa da, 2014-cü ildə ölkədə yaranan vəziyyətlə əlaqədar müvəqqəti olaraq Tunisə köçürülüb.
