Avropa İttifaqı (Aİ) Ukrayna ordusu üçün təlim missiyasına başlayıb.
Bu barədə Aİ Şurası məlumat yayıb.
“Aİ Şurası Rusiyanın apardığı müharibə fonunda Ukraynaya dəstək olmaq və Ukrayna Silahlı Qüvvələrinin 15 minə qədər hərbçisinə təlim keçmək üçün hərbi yardım missiyasını işə salıb”, – məlumatda deyilir.
Aİ-nin Ukrayna üçün hərbi təlim missiyası “EUMAM Ukraine” (Aİ-nin Ukraynaya Hərbi Yardım Missiyası) adlanacaq. Belə bir missiyanın yaradılması barədə qərar bir ay əvvəl, oktyabrın 17-də verilib. Bu ehtiyaclar üçün 106,7 milyon avro ayrılmalıdır.
