Avropa İttifaqı Ukraynaya 5 milyon kalium yodid həbi verməyi planlaşdırır.
Bu barədə CNN məlumat yayıb.
Bu həblərin verilməsində məqsəd Zaporojye AES-də qəza olacağı təqdirdə insanların radioaktiv şüalanmadan müdafiəsidir. Aİ həbləri Ukrayna hökumətinin tələbi əsasında təchiz edəcək.
Kalium yodid radioaktiv şüalanmadan ilkin qorunma vasitəsi hesab edilir. Bu həbin qəbulu havadakı radioaktiv yodun qalxanabənzər vəzi tərəfindən udulmasının qarşısını alır.
