Almaniyanın Aİ standartlarına uyğunlaşdırılmış istehlak qiymətləri, ölkənin Federal Statistika İdarəsinin (Destatis) yekun məlumatlarına əsasən, yanvar ayında illik müqayisədə 9.2% artıb.
Banker.az bu barədə “İnterfax”a istinadən xəbər verir.
İstehlak qiymətləri aylıq ifadədə 0.5% artıb ki, bu da ilkin məlumatlar və ekspertlərin gözləntiləri ilə üst-üstə düşüb.
Yanvarda Almaniyada ərzaq məhsulları əvvəlki illə müqayisədə 20.2%, geyim və ayaqqabı isə 2.8% bahalaşıb. Kommunal xidmətlər 8.9%, elektrik enerjisi isə 25.7% artıb.
Tibbi xidmətlər 2.9%, təhsil xidmətləri 3.6% nəqliyyat xidmətləri 7.5% bahalaşıb.
Ərzaq və enerji məhsulları istisna olmaqla istehlak qiymətləri 7.2% artıb.
