15 C
Baku
Friday, March 29, 2024

Apple öz istehsalat gücünün Çindən çıxarılmasına hazırlaşır

 Çin ilə ABŞ arasında olan ticarət müharibəsi təkcə Çindən olan şirkətlərə təsir etməyib. Belə ki, Asiyadan olan istifadəçilər artıq ABŞ-ın Apple şirkətini boykot edirlər. Kütləvi informasiya vasitələrinin məlumatlarına əsasən Apple şirkətinin özü isə öz istehsalat gücünü Çindən başqa ölkəyə keçirtmək niyyəti ilə Çindəki istehsalat tempini aşağı salmağı planlaşdırır. Bu barədə Asia.nikkei.com saytına istinadən 4pda saytı xəbər verib.

    Məlumata əsasən Apple şirkəti öz istehsalat gücünün müəyyən hissəsinin (30%) Çindən çıxarılması üzrə əsas partnyorları ilə (FoxconnPegatronWistronQuanta ComputerCompal ElectronicsInventec və s.) danışıqlar aparır. Bu cür qərarın əsas səbəbləi sırasında işçi qüvvəsi qiymətinin artımı və istehsalat prossesinin Çində həddindən artıq mərkəzləşdirilməsi var. Hal hazırda Apple şirkətinin əməkdaşlıq etdiyi 200 şirkətdən 41-i ya Çində ya da Honkonqda yerləşir. Güman edilir ki, istehsalat gücünün bir hissəsi Meksikaya, Hindistana, Vyetnama, İndoneziyaya və Malayziyaya keçiriləcək.

    Nikkei saytının məlumatına əsasən hal hazırda Apple şirkətinin məhsullarının 90%-dən çoxu məhz Çində istehsal olunur. Bu cür templə şirkət Çində 5 milyon yeni iş yeri yaradır. Bunlardan 1.8 milyon insanı proqram təminatı tərtibatçısıdır. Məlumatda qeyd olunub ki, istehsalat gücünün digər regionlara keçirilməsi üçün 18 ay vaxt lazım olacaq. Lakin Apple şirkəti hələki istehsalat gücünün digər ölkələrə keçirilməsi üzrə dəqiq vaxt təyin etməyib. Qeyd etmək lazımdır ki. bir neçə müddət bundan öncə ən böyük iPhone istehsalçısı Foxconn şirkəti istehsalat prosesinin digər ölkəyə keçirilməsinə hazırlıqlı olduğunu bildirmişdi.

©Technote

Son xəbərlər
Digər xəbərlər