Ekzoskeletlər
Əksər fantastik filmlərin əvəzolunmaz atributu artıq reallığa çevrilir. Tibbdə və orduda ekzoskeletlərin uğurla tətbiq edilməsinə dair bir neçə nümunə var. ReWalk – belə layihələrdən biridir. Bu ekzoskelet iflic olmuş şəxslərə ayağa qalxmağa və yenidən sərbəst şəkildə hərəkət etməyə kömək edir.
Qidaların 3D-çapı
Qida sənayesində 3D-çapın tətbiq edilməsi böyük potensiala sahibdir və minimum zaman ərzində böyük həcmdə qida yaratmağa imkan verir. Danimarkanın ByFlow şirkəti tərəfindən yaradılan qida printeri dondrulmuş tərəvəz, meyvə və hətta ətdən istifadə edərək qida hazırlayır.
Əldə edilən pasta bütün qida maddələrini qoruyur, çap edilmiş qidaya isə istənilən formanı vermək, parda bişirmək, tavada qızartmaq və yaxud sobada bişirmək mümkündür. Bununla belə, çap mərhələsində qidaya lazımi kalorini təyin etmək və onu vitaminlər ilə təchiz etmək lazımdır.
Pilotsuz yük avtomobilləri
Özü idarə olunan yük avtomobilləri insan amili səbəbindən baş verən qəzaların sayını azaltmaq, həmçinin yük daşımaları logistikasını sadələşdirmək üçün nəzərdə tutulub. Hazırda Tesla şirkətinin Semi adlı yük avtomobili elektrik enerjisi ilə işləyir və bir enerji ilə təmin olunmayla 800 km yol qət edə bilər.
Gələcəyin bu yük avtomobilinin kütləvi istehsalına 2019-cu ildə start veriləcək. PepsiCo şirkətinin artıq yüzlərlə belə maşın təminatı ilə razılaşmasını nəzərə alsaq, Tesla şirkətinin sifariş ilə bağlı problem yaşamayacağını təxmin etmək olar. Bundan əlavə, Daimler, MAN və digər şirkətlər də sürücüsüz yük avtomobillərinin yaradılması ilə məşğul olur.
