15 C
Baku
Monday, May 20, 2024

Asiyanın aparıcı aviaşirkəti ötən il 800 milyon dollardan çox zərər edib

Asiyanın aparıcı aviaşirkətlərindən biri, Honq-Konqun “Cathay Pacific” şirkəti 2022-ci ildə 828 milyon ABŞ dolları zərər edib.

Bu barədə aviaşirkətin maliyyə hesabatında bildirilir.

Sənədə əsasən, bu göstərici, 2021-ci illə müqayisədə 18,5 % çoxdur.

Xatırladaq ki, son 3 il ərzində “Cathay Pacific” COVID-19 əleyhinə tətbiq edilən məhdudiyyətlər səbəbindən ciddi maliyyə itkiləri ilə üzləşib. Şirkətin tarixində rekord itkilər 2020-ci ildə qeydə alınıb. O vaxt “Cathay Pacific” 2 790 milyon ABŞ dolları zərərlə üzləşmişdi.

Bu ilin sonuna qədər Honq-Konq aviaşirkəti sərnişin axınını pandemiyadan əvvəlki səviyyənin 70 %-nə çatdırmağı planlaşdırır. Onun 2024-cü ilin sonuna qədər normal fəaliyyətini bərpa edəcəyi gözlənilir.

Son xəbərlər
 ⁠
Digər xəbərlər