“AzeriCard” prosessinq mərkəzi mütəmadi olaraq ildə bir neçə dəfə xidmət səviyyəsinin yüksəldilməsi məqsədi ilə daxili sistemində yenilənmə işləri aparır. Bu barədə Banker.az-a AtaBankdan məlumat verilib.
Prosessinq mərkəzinin rəsmi məlumatına əsasən, oktyabr ayının 14-də, növbəti yenilənmə işlərinin aparılması ilə əlaqədar olaraq saat 01:00-dən saat 06:00-dək plastik kartlar üzrə onlayn rejimdə əməliyyatlar keçməyəcək.
Xahiş edirik əməliyyatlarınızı planlaşdırarkən məlumatı nəzərə alasınız.
1993-cü ildən fəaliyyət göstərən “AtaBank” ASC Azərbaycanın ən böyük kommersiya strukturlarından biridir. Bu gün “AtaBank” yüksək texnologiyalı universal bank olmaqdadır. Bakıda və ölkənin müxtəlif regionlarında Bankın 26 filial və şöbəsi fəaliyyət göstərir. Bank korporativ və fərdi müştərilərə tam xidmətlər spektrini təqdim edir.
Bank xidmətləri barədə ətraflı məlumat üçün 136 Məlumat Mərkəzinə zəng edə, www.atabank.com saytına və ya Bankın rəsmi facebook səhifəsinə www.facebook.com/atabank daxil ola bilərsiniz.
