Avropa Komissiyası “Apple”ın iPhone və iPad üçün tətbiqlərin distribusiyasında antimonopoliya qanunlarını pozduğuna və “App Store”un sahibi kimi mövqeyindən sui-istifadə etdiyinə qərar verib.
Banker.az bu barədə “Vesti”yə istinadən xəbər verir.
Tənzimləyicinin fikrincə, bütün iOS-tətbiqetmələri üçün məcburi olan “App Store”un daxili ödəmə mexanizmindən istifadə etməsi musiqi striminqi sahəsindəki rəqabəti “pozur”.
Xatırladaq ki, “Apple”a münasibətdə antimonopoliya araşdırması keçən ildə başlayıb. İsveçin “Spotify” xidməti “App Store”da 30% komissiya ödəməkdən imtina etdiyini bildirib.
“Apple” bu problemə tamamilə fərqli tərəfdən baxır və Avropa Komissiyasının qərarının “dürüst rəqabətin əksi” olduğunu hesab edir. Qeyd edək ki, “Spotify”dan başqa “Epic Games” və “Telegram” da “Apple”dan şikayət edib.
