Avropa Parlamenti Avropa İttifaqının (Aİ) Ukraynaya 1 milyard avro məbləğində makromaliyyə yardımı göstərməsini dəstəkləyib.
Bu barədə Ukrayna Maliyyə Nazirliyindən bildirilib.
“Bu gün Avropa Parlamenti təcili büdcə ehtiyaclarını ödəmək üçün Avropa Komissiyasının təklifi əsasında Aİ-nin Ukraynaya 1 milyard avro həcmində makromaliyyə yardımı ayırmasını dəstəkləyib”, – qeyd olunub.
Aİ-dəki institusional prosedurlara görə, Avropa Komissiyasının bu təklifi Avropa İttifaqı Şurası tərəfindən də dəstəklənməlidir və bundan sonra müvafiq qərar qüvvəyə minəcək.
