“Bloomberg”in analitiklər arasında keçirdiyi sorğuya görə, Avrozonanın ÜDM-i dördüncü rübdə 0.1% azalaraq regionu tənəzzülə sürükləyəcək. Bununla belə, resessiya dayaz olacaq – 2024-cü ilin əvvəlində ləng bərpa gözlənilir (+0.1%), Banker.az bu barədə “The Bell” nəşrinə istinadən xəbər verir.
Əvvəlki proqnoz avro bölgəsinin iqtisadiyyatının sıfır səviyyəsində artacağını göstərib. İndi analitiklər bunun ən güclü ölkə – Almaniya tərəfindən mənfi tərəfə çəkiləcəyini düşünməyə meyllidirlər. İnflyasiyanın azalmasına baxmayaraq, ən azı bir il Mərkəzi Bankın hədəfindən (2%) yuxarı qalacaq. Sorğuda iştirak edənlər ECB faiz dərəcəsinin erkən azaldılmasını gözləmirlər.
Avropa Komissiyasının ÜDM dinamikası üzrə rəsmi proqnozu daha yüksəkdir – iyul-sentyabr aylarında 0.1% azalmadan sonra dördüncü rübdə 0.2% artım gözlənilir.
