Avstriya Rusiyadan neft idxalını və emalını dayandırır.
Banker.az xarici KİV-ə istinadən xəbər verir ki, bu barədə ölkənin “OMV” neft şirkəti məlumat verib.
Şirkət nümayəndəsi qeyd edib ki, Avstriya və Almaniyanın neft emalı zavodlarında Rusiya xam neftinin payı həmişə kiçik olub və mart ayında tədarükləri “bazardan başqa neftlə” əvəz etmək mümkün olub.
Xatırladaq ki, bundan əvvəl Avstriya Rusiyadan neft tədarükünə qoyulan embarqoya qarşı çıxıb.
