23 C
Baku
Monday, April 15, 2024

Azərbaycanın baş bankiri Pakistan səfiri ilə görüşdü

Azərbaycan Respublikası Mərkəzi Bankının sədri Elman Rüstəmov ilə Pakistan İslam Respublikasının Azərbaycandakı Fövqəladə və Səlahiyyətli səfiri Bilal Hayee arasında görüş keçirilmişdir. Banker.az xəbər verir ki, bu barədə AMB-dən bildirilir.

Görüş zamanı iki dost ölkə arasında strateji əməkdaşlığın yüksələn xətlə inkişaf etdiyi qeyd edilmiş, eyni zamanda iqtisadi əlaqələrin, xüsusilə maliyyə-bank sektorları arasında əlaqələrin genişlənməsinin vacibliyi və əhəmiyyəti bir daha vurğulanıb.

AMB sədri Elman Rüstəmov Prezident İ.Əliyevin rəhbərliyi altında ölkədə aparılan iqtisadi islahatlar barədə ətraflı məlumat verməklə bərabər, Azərbaycan maliyyə sektorunun sabit və davamlı fəaliyyəti və inkişafı istiqamətində həyata keçirilən geniş layihələr barədə səfirə ətraflı məlumat verib.

Səfir Bilal Hayee öz növbəsində hər iki ölkə arasında əlaqələrin səviyyəsindən məmnunluğunu qeyd edərək, Pakistan və Azərbaycan arasında mövcud əməkdaşlığın və əlaqələrin intensivliyinin daha da artırılmasının və gələcəkdə uğurla davam etdirilməsinin vacibliyinə diqqət çəkdi. Eyni zamanda hər iki ölkənin maliyyə-bank sektoru arasında əməkdaşlığın daha da genişləndirilməsinin ölkələrimizin iqtisadi inkişafına öz müsbət töhfəsini verəcəyini qeyd edib.

Son xəbərlər
Digər xəbərlər