Azərbaycanda 2020-ci ilin avqust ayının 1-nə iqtisadiyyata özəl banklar tərəfindən kredit qoyuluşları 11 600,4 milyon manat təşkil edib ki, bu iyulun 1-i ilə müqayisədə 16.2 milyon manat çoxdur.
Banker.az xəbər verir ki, bu barədə Azərbaycan Mərkəzi Bankı məlumat açıqlayıb.
Bildilir ki, özəl bankların iqtisadiyyata ümumi kredit qoyuluşlarında xüsusi çəkisi 79.5% təşkil edir. Xarici kapitallı özəl banklar tərəfindən iqtisadiyyata kredit qoyuluşları 3229,4 milyon manat olub. Bu tip kredit qoyuluşlarının ümumi kredit qoyuluşlarında xüsusi çəkisi 22,1% təşkil edib.
Mərkəzi Bank qeyri- bank təşkilatları tərəfindən iqtisadiyyata kredit qoyuluşlarının həcminin 380.9 milyon manat olduğunu açıqlayıb. BOKT-ların ümumi kredit qoyuluşlarında xüsusi çəkisi 2,6 % olub.
