Azərbaycan Qazaxıstana Bakı-Supsa boru kəməri ilə neft nəqlini təklif edir. Bu barədə Qazaxıstanın baş nazirinin müavini – ticarət və inteqrasiya naziri Serik Jumanqarin məlumat verib.
“Bakı digər marşrutlar (Bakı-Tbilisi-Ceyhan neft kəmərindən başqa – İF) da təklif edir, misal üçün Bakı-Supsa. Hazırda biz tərəfdən neft kəmərinin texniki xüsiyyətlərinin hesablamaları aparılır”, – Jumanqarin çərşənbə axşamı jurnalistlərə bildirib.
O xatırladıb ki, 2023-cü ildə Qazaxıstanla Azərbaycan arasında BTC ilə 1.5 milyon ton neftin nəqlinə dair razılıq əldə olunub.
Bakı-Supsa boru kəməri Xəzər neftinin Bakı yaxınlığında Xəzər dənizindəki Səngəçal terminalından Qara dənizin sahilində yerləşən Gürcüstanın Supsa limanına nəqli üçün nəzərdə tutulur.
