Bu ilin ikinci rübündə Azərbaycan şirkətləri Gürcüstanda böyük həcmdə birbaşa xarici investisiya yatıranların siyahısında yer alıb.
Ölkənin Milli Statistika Xidmətinin (“Geostat”) ilkin məlumatlarına əsasən, aprel-iyunda ölkəyə 468,8 milyon ABŞ dolları həcmində birbaşa xarici investisiya yatırılıb. Bu, 2025-ci ilin eyni dövrünün yenilənmiş göstəricisindən 23,2 % azdır.
Böyük xarici birbaşa investisiya yatıran şirkətlərin siyahısında Azərbaycan şirkətlərindən “PASHA Development Georgia” MMC və “SOCAR Midstream Gas Operations” MMC-nin Gürcüstan filialı da yer alıb.
Beləliklə, Azərbaycan kapitalının Gürcüstan iqtisadiyyatının müxtəlif sahələrində iştirakı 2026-cı ilin ikinci rübündə də davam edib.
