“Son il yarım ərzində 10-dan çox ölkə Azərbaycana təbii qaz tədarükünü ya artırmaq, ya da başlamaq xahişi ilə müraciət edib”.
Bunu Azərbaycan Prezidenti İlham Əliyev Bakı Enerji Həftəsi çərçivəsində 28-ci Beynəlxalq Xəzər Neft və Qaz – “Caspian Oil&Gas” və 11-ci Xəzər Beynəlxalq Energetika və Yaşıl Enerji – “Caspian Power” sərgilərinin açılışında çıxışı zamanı deyib.
“Avropa İttifaqının yüksək rütbəli məmurları Azərbaycanı “ümumAvropa təbii qaz tədarükçüsü” adlandıran zaman tamamilə haqlıdırlar. Əminəm ki, bizim tədarük coğrafiyamız genişlənəcək, çünki Azərbaycan təbii qazına tələbat artır. Son il yarım ərzində 10-dan çox ölkə Azərbaycana təbii qaz tədarükünü ya artırmaq, ya da başlamaq xahişi ilə müraciət edib və əlbəttə ki, biz bütün dostlarımızın ehtiyaclarını ödəmək və şübhəsiz ki, tələbləri bazar imkanlarına uyğunlaşdırmaq istəyirik”, – dövlət başçısı bildirib.
