Milli Məclisin fevralın 19-da keçiriləcək plenar iclasının gündəliyi açıqlanıb.
İclasın gündəliyinə 27 məsələ daxildir.
Bunlar “Əmanətlərin tam sığortalanması haqqında“, “Üzümçülük və şərabçılıq haqqında”, “Azərbaycan Respublikasında dövlət dili haqqında”, “Sığorta fəaliyyəti haqqında” “Telekommunikasiya haqqında” və.s qanunlarına və Cinayət, İnzibati Xətalar məcəllələrinə dəyişiklik layihələrdir.
Deputatlar yeni hazırlanan bir neçə qanun layihəsinə ikinci oxunuşda baxacaqlar.
Xəbər verdiyimiz kimi, Azərbaycanda əmanətlərin tam sığortalanması müddətinin 1 il artırılacağı gözlənilir. “Əmanətlərin tam sığortalanması haqqında” qanun 2016-cı il martın 4-dən qüvvəyə minmişdi və bu il martın 4-də qüvvədə olma müddəti başa çatacaqdır.
