Əmlak Məsələləri Dövlət Komitəsi(ƏMDK) yanvarın 9-da dövlət əmlakının özəlləşdirilməsi ilə bağlı növbəti hərracını keçirəcək.
Komitəyə istinadəni, 60-ı kiçik dövlət müəssisə və obyekti, 56-sı istifadəsiz qeyri-yaşayış sahəsi, 18-i isə səhmdar cəmiyyəti olmaqla ümumilikdə 134 dövlət əmlakı çıxarılıb.
Hərraca çıxarılan əmlaklara aşağıdakı linkdə baxmaq olar:
http://privatization.az/index.php/az/component/content/article?layout=edit&id=3020
Hərraca çıxarılan kiçik dövlət müəssisə və obyektlərinin əksəriyyəti altındakı torpaq sahəsi ilə birlikdə özəlləşdiriləcək. Belə ki, tikili və torpaq sahəsi ayrı ayrılıqda qiymətləndirilib. Elanda həm torpaq sahəsinin, həm də tikilinin ayrıca qiymətləri, habelə hər ikisinin birlikdə ümumi ilkin satış qiyməti göstərilib. Torpaq sahəsi ilə birgə hərraca çıxarılan əmlaklar Bakının Sabunçu və Qaradağ rayonlarında, Sumqayıt şəhərindı, habelə, Tovuz, Xızı, Cəlilabad, İmişli, Qax, Oğuz, Göyçay, Lerik və Astara rayonlarında yerləşir.
Hərraca torpaq sahəsi ilə birgə çıxarılan kiçik dövlət müəssisələri sırasında ən yüksək hərrac qiyməti 444,5 min manata olan Sumqayıtdakı “Bolluq” bazasıdır. Bu daşınmaz əmlakın ümumi faydalı sahəsi 1445.3 kv.m, özəlləşdirilən torpaq sahəsi isə 13063 kv.m.-dir.
Bundan əlavə, hərraca çıxarılan start qiyməti yüksək olan əmlaklar sırasında 400 min manata Suraxanı rayonunda yerləşən 42 saylı mağaza, 216 min manata Bakı şəhəri Qaradağ rayonunda yerləşən 22 saylı avtodayanacaq, 210 min manata Oğuz rayonunda Tütün anbarı da var. Hərracda özəlləşdirilməsi nəzərdə tutulan qeyri-yaşayış sahələri əsasən paytaxtın Nəsimi, Nərimanov, Nizami, Xətai rayonlarında yerləşir.
Bu dəfəki hərracda 18 səhmdar cəmiyyətinin nəzarət səhm paketinin 30-45 faizi özəlləşməyə çıxarılıb. https://goo.gl/XfCc66 linkinə daxil olmaqla bu tarixdə hərraca çıxarılan səhmdar cəmiyyətlərin ünvanları, satışa çıxarılan səhmlərin nominal dəyəri, nizamnamə kapitalının həcmi, satışa çıxarılan səhmlərin ilkin hərrac qiymətləri ilə daha yaxından tanış olmaq olar. Özəlləşdiriləcək səhmdar cəmiyyətləri sənaye, kəndkimya, nəqliyyat, inşaat, təmir və s. sahələrə aiddir. Belə iri müəssisələr sırasında “Bərdə Kəndkimya”, “Beyləqan Buzxana”, “Salyan Kəndkimya”, “Tərtər Nəqliyyat”, “Lənkəran Mebel” kimi səhmdar cəmiyyətlər var. Bu səhmdar cəmiyyətlərinin hərraca çıxarılmış bir səhminin nominal dəyəri müəssisədən asılı olaraq 0,5-2 manatdır.
