“Maybo” MMC-nin konsolidə xalis mənfəəti 2025-ci ildə 368 min manat olub. Bu, 2024-cü ildəki 2,4 milyon manatla müqayisədə 84,7% azdır. Şirkətin balansında bölüşdürülməmiş mənfəət 7,1% artaraq 6,1 milyon manata çatıb.
Banker.az bunu şirkətin illik audit hesabatına istinadən xəbər verir.
Satış gəliri 49,3% azalaraq 6,8 milyon manat, cəmi gəlirlər isə 47% azalaraq 7,1 milyon manat təşkil edib. Əməliyyat xərcləri 36,4% azalaraq 6,6 milyon manata düşüb. Bu məbləğin tərkibində mal-material xərcləri 50,5% azalaraq 4,3 milyon manat olub; işçi heyəti xərcləri isə 34,6% artaraq 513 min manata yüksəlib.
2025-ci ilin sonunda aktivlər 14,5% azalaraq 8,6 milyon manat, öhdəliklər 42,7% azalaraq 2,5 milyon manat olub. Kapital 7,2% artaraq 6,1 milyon manata çatıb. Debitor borcları 8,8% azalaraq 3,5 milyon manat, kreditor borcları 29,5% azalaraq 543 min manat təşkil edib. Pul vəsaitləri 66,7% azalaraq 905 min manata, mal-material ehtiyatları 18,4% azalaraq 987 min manata düşüb. Ödənilmiş avanslar 111,3% artaraq 1,3 milyon manata yüksəlib.
Qısamüddətli öhdəliklər 69,6% azalaraq 903 min manat, uzunmüddətli öhdəliklər 13,8% artaraq 1,6 milyon manat olub. İlin sonunda bank krediti qalığı sıfır təşkil edib; 2024-cü ilin sonunda bu göstərici 850 min manat idi. Təsisçiyə borc 22,7% azalaraq 891 min manata düşüb, əmlak və avadanlığın balans dəyəri isə 15,2% artaraq 1,9 milyon manata çatıb.
“Maybo” 2011-ci ildə yaradılıb və ixtisaslaşdırılmış alət və cihazların satışı, eləcə də onlarla bağlı xidmətlər göstərir. Nizamnamə kapitalı 1 min manatdır. Hesabata görə, şirkətin 100% payı Midhət Qurbanəliyevə məxsusdur. 2025-ci ilin sonunda şirkətdə 17 nəfər çalışıb.
