Bu il iyulun 1-nə Azərbaycanda debitor borcların məbləği 3 milyard 150 milyon manat təşkil edib.
Bu barədə Hesablama Palatasının hazırladığı “2023-cü ilin altı ayı üzrə dövlət büdcəsinin icrasına dair yarımillik məlumata Xülasə”də bildirilir.
Sənədə əsasən, ölkədə debitor borclar ilin əvvəli ilə müqayisədə 95.9 milyon manat və yaxud 3.1%, ötən il iyulun 1-nə nisbətən isə 1 milyard 6.4 milyon manat və yaxud 46.9% çoxdur.
Xaricdən cəlb edilmiş kreditlər hesabına həyata keçirilən layihələr, dövlət büdcəsindən digər büdcələrə ayırmalar üzrə yaranan borclar bu məbləğə daxil edilmir.
