“Plato Capital and Co. İnvestisiya Şirkəti” ASC-nin birja üzvlüyü dondurulub.
Bu barədə Banker.az-a Bakı Fond Birjasından deyilir.
Bu Birja üzvünün müraciəti əsasında baş tutub. Belə ki, müraicət əsasında 12 fevral 2020-ci il tarixindən Bakı Fond Birjasının Üzvlük Komissiyasının qərarı ilə “Plato Capital and Co. İnvestisiya Şirkəti” ASC-nin birja üzvlüyü 1 il müddətinə dondurulmuşdur.
Maraqlı məqam odur ki, az əvvəl “Plato Capital and Co. İnvestisiya Şirkəti” 3 aprel 2020-ci il tarixində Səhmdarlarının Ümumi Yığıncağı keçiriləcəyini açıqlamışdı.
Yığıncağın gündəliyində duran əsas məsələlər 2019-cu ilin yekunlarına dair nəticələrin müzakirə edilməsi, şirkətin növbəti dövrlər üçün strateji plan və hədəflərinin müəyyən edilməsi və digər məsələlər daxil edilmişdi.
