Azərbaycanın 4 yatağı satışa çıxarılır – Qiymətlər (Siyahı)

Yer təkindən istifadə ilə bağlı 11 noyabr 2022-ci il tarixində saat 11:00-da hərrac keçiriləcək.

Banker.az xəbər verir ki, hərraca Daşkəsən rayonu “Bayan” üzlük daşı yatağı, Balakən rayonu “Təpəçöl” qum-çınqıl yatağı, Goranboy rayonu “Yuxarı Ağcakənd” gips yatağı və Goranboy rayonu “Qarasuçay” qum-çınqıl yatağı çıxarılır.

Hərracda iştirak etmək istəyən fiziki və hüquqi şəxslər hərracla bağlı məlumat almaq, xidmət haqqı və 10% miqdarında beh məbləğini ödəmək üçün eyni zamanda Əmlak Xidmətləri Məkanına da müraciət edə bilərlər. (Bakı şəhəri, Nizami rayonu, Xəlil Rza Ulutürk küçəsi, 20) Çağrı mərkəzi: 195-1, tel: (012) 566-07-44

Yer təki sahəsindən faydalı qazıntılar çıxarılması üçün hərrac iştirakçıları lazımi maliyyə və texniki imkanlarına malik olmalı və hərracda iştirak etmək üçün aşağıdakı sənədləri təqdim etməlidirlər:

1. Hərracda iştirak etmək üçün yazılı ərizə-müraciət (əlavə olunur);
2. Hərracda xidmət haqqının ödənilməsi barədə bank sənədinin əslini;
3. Azərbaycan Respublikasında vergilərə və digər icbari ödənişlərə dair vaxtı keçmiş öhdəliklərin olmaması haqqında müvafiq vergi orqanından arayış;
4. İddiaçının son bir ildə maliyyə vəziyyəti haqqında bank arayışı (hesabdan çıxarış);
5. İddiaçının tam adı, hüquqi statusu: Hüquqi şəxsdirsə – nizamnaməsi, VÖEN-şəhadətnaməsi və dövlət reyestrdən çıxarışı, qeydiyyatdan keçdiyi ölkə və rekvizitləri; fiziki şəxsdirsə – şəxsiyyəti təsdiq edən sənəd və VÖEN-şəhadətnaməsi;
6. İddiaçının ixtisas göstəricilərinə dair məlumatlar: ən azı 1 dağ-mədən mühəndisi və 1 geoloq ilə bağlanmış əmək müqaviləsinin və onların ixtisasını təsdiq edən sənədin surəti;
7. İddiaçının maddi-texniki bazası (faydalı qazıntıların çıxarılması üçün zəruri texniki vasitələri və avadanlıqları) haqqında məlumat.

Sənədlər Azərbaycan dilində, 2 nüsxədə tərtib olunmalıdır.

İddiaçılar hərracda iştirak etmək üçün yuxarıda göstərilən sənədləri 02 noyabr 2022-ci il saat  16:00-a qədər Bakı şəhəri, Səbail rayonu, İstiqlaliyyat, 31 ünvanına təqdim etməlidirlər.

 

Goranboy rayonu “Qarasuçay” qum-çınqıl yatağı

N	Yatağın adı	LOT	Həcmi	Sahəsi	Faydalı qazıntının  növü	İstismar müddəti	Yatağın koordinatı	Başlanğıc qiyməti	Beh məbləği (10%)
1.	Qarasuçay	LOT-1	135 000 m3	3.0 ha	qum-çınqıl	6 il	649164.36 4491696.93	13 500	1 350
2.	Qarasuçay	LOT-2	225 000 m3	5.0 ha	qum-çınqıl	9 il	649054.11 4491584.54	22 500	2 250
3.	Qarasuçay	LOT-3	225 000 m3	5.0 ha	qum-çınqıl	9 il	648252.41 4491337.47	22 500	2 250
4.	Qarasuçay	LOT-4	225 000 m3	5.0 ha	qum-çınqıl	9 il	648040.65 4491237.10	22 500	2 250
5.	Qarasuçay	LOT-5	225 000 m3	5.0 ha	qum-çınqıl	9 il	648264.25 4490984.80	22 500	2 250
6.	Qarasuçay	LOT-6	225 000 m3	5.0 ha	qum-çınqıl	9 il	647898.11 4490572.96	22 500	2 250

 

Balakən rayonu “Təpəçöl” qum-çınqıl yatağı

N	Yatağın adı	LOT	Həcmi	Sahəsi	Faydalı qazıntının  növü	İstismar müddəti	Yatağın koordinatı	Başlanğıc qiyməti	Beh məbləği (10%)
1.	Təpəçöl	LOT-1	24 074 m3	1.6 ha	qum-çınqıl	3 il	599637.1616 4615055.8458	2 407	240