15 C
Baku
Friday, March 29, 2024

Azərbaycanın İspaniyaya göndərdiyi yeni səfir kimdir?

Prezidentin sərəncamı ilə Xarici işlər nazirinin müavini Ramiz Həsənov tutduğu vəzifəndən azad edilərək, İspaniyada səfir təyin olunub.

Onun dosyesini təqdim edirik:

Ramiz Həsənov 20 avqust 1961-ci ildə Marneuli şəhərinin Alqet (Məscidli Görarxı) kəndində anadan olmuşdur. 1978-1983-cü illərdə Moskva Dövlət Beynəlxalq Münasibətlər İnstitutunda təhsil alıb.

1983-1990-cı illərdə SSRİ Xarici Ticarət Nazirliyində çalışmışdır. 1990-1992-ci illərdə Azərbaycan Respublikasının Nazirlər Kabineti yanında Xarici İqtisadi Əlaqələr Komissiyasında fəaliyyət göstərmişdir. 1993-1997-ci illərdə Azərbaycan Respublikasının Xarici İqtisadi Əlaqələr Nazirliyində məsul vəzifədə çalışıb.

1997-2004-cü illərdə Ramiz Həsənov Azərbaycan Respublikası “Azərkontrakt” Açıq Səhmdar Cəmiyyəti sədrinin 1-ci müavini olub.

2004-2005-ci illərdə Azərbaycan Respublikasının Gürcüstan Respublikasındakı fövqəladə və səlahiyyətli səfiri vəzifəsində çalışıb.

14 dekabr 2005-ci ildə Azərbaycan Respublikası Standartlaşdırma, Metrologiya və Patent üzrə Dövlət Agentliyinin baş direktoru vəzifəsinə təyin olunub. 2008-2018-ci illərdə Azərbaycan Respublikası Standartlaşdırma, Metrologiya və Patent üzrə Dövlət Komitəsinin sədri olub

15 may 2018-ci ildə Azərbaycan Respublikasının Xarici İşlər nazirinin müavini təyin olunub. 19 aprel 2021-ci ildə bu vəzifədən azad edilib.

MənbəModern.az
Son xəbərlər
Digər xəbərlər