Azərbaycanın valyuta ehtiyatlarının ümumi həcmi 2017-ci il yanvarın 1-nə 37 milyard 121,4 milyon ABŞ dolları təşkil edib. Bunun 89,29%-i və yaxud 33 milyard 147 milyon dolları Dövlət Neft Fondu (ARDNF), 10,71%-i və yaxud 3 milyard 974,4 milyon dolları isə Mərkəzi Bankın (AMB) payına düşüb. (Qeyd edək ki, Yanvarda Mərkəzi Bankın valyuta ehtiyatları bir qədər artıb)
Ötən ilin IV rübündə ölkənin valyuta ehtiyatları 2 milyard 833,4 milyon dollar və yaxud 7,09% azalıb. Son üç ayda ARDNF-in ehtiyatlarında 2 milyard 675,1 milyon dollar və yaxud 7,47%, AMB-nin ehtiyatlarında isə 158,3 mln. dollar və yaxud 3,83% azalma baş verib.
Qeyd edək ki, 2016-cı il ərzində Azərbaycanın məcmu valyuta ehtiyatları 1 milyard 469,4 milyon dollar və yaxud 3,81% azalıb.
| ARDNF-in valyuta ehtiyatları (mln. ABŞ dolları) |
AMB-nin valyuta ehtiyatları (mln. ABŞ dolları) |
Azərbaycanın məcmu valyuta ehtiyatları (mln. ABŞ dolları) |
|
| 01.01.2017 | 33 147,0 | 3 974,4 | 37 121,4 |
| 01.10.2016 | 35 822,1 | 4 132,7 | 39 954,8 |
| 01.07.2016 | 35 117,9 | 4 283,9 | 39 401,8 |
| 01.04.2016 | 34 246,0 | 4 065,8 | 38 311,8 |
| 01.01.2016 | 33 574,1 | 5 016,7 | 38 590,8 |
