Birləşmiş Ərəb Əmirliklərindən (Dubay şəhərinin yerləşdiyi ölkə) Azərbaycandakı fiziki şəxslərə köçürülən pul baratlarının həcmi xeyli azalıb.
Banker.az bu barədə Azərbaycan Mərkəzi Bankına istinadən xəbər verir.
2021-ci ilin yanvar-sentyabr ayları ərzində BƏƏ-dən Azərbaycandakı fiziki şəxslərə pul köçürmələrinin həcmi 20.04 milyon dollar təşkil edib. Bu da 2020-ci ilin analoji dövrü ilə müqayisədə 4.46 mln. dollar, yaxud 18.2% azalma deməkdir.
Azərbaycanda BƏƏ-yə isə pul köçürmələrinin həcmi 2.88 milyon dollar olmaqla öncəki ildən 0.92 mln. dollar, yaxud 24.1% azalmışdır.
