17 C
Baku
Tuesday, May 28, 2024

Bakı hava limanında sərnişin axını 50%-dən çox artıb

Bu ilin fevral ayında Heydər Əliyev Beynəlxalq Aeroportu ötən ilin eyni dövrü ilə müqayisədə 50.7% artım göstərərək 471 mindən çox sərnişinə xidmət göstərib.

Banker.az xəbər verir ki, fevral ayında 13-ü aşağı büdcəli (loukoster) olmaqla, 33 aviaşirkət 3853 reys həyata keçirib.

Beynəlxalq istiqamətlər üzrə sərnişin daşımalarının 50,5% xarici aviaşirkətlərin, qalan hissəsi isə milli aviadaşıyıcının payına düşüb. Xarici aviaşirkətlər 215 mindən çox, “Azərbaycan Hava Yolları” isə 211 min sərnişinə xidmət göstərib. Naxçıvan istiqamətində 44 mindən çox sərnişin daşınıb. Bununla yanaşı, tranzit sərnişinlərin sayı ötən ilin fevral ayı ilə müqayisədə 106 % artaraq 25 min nəfər təşkil edib.

Cari ilin fevral ayında Bakı hava limanından ən populyar beynəlxalq istiqamətlər İstanbul, Əbu-Dabi, Tbilisi, Dubay və Moskva şəhərləri olub ki, burada 228 mindən çox sərnişinə xidmət göstərilib.

Son xəbərlər
 ⁠
Digər xəbərlər