Azərbaycan Mərkəzi Bankının yanvar ayı üzrə açıqladığı statistikaya əsasən, kredit portfeli 12 mlrd 884,7 mln manat olub.
Banker.az bu barədə AMB-yə istinad edir.
Kredit portfelindən Bakı şəhərinə verilən kreditlərin məbləği 10 mlrd 579,8 mln manat və ya ümumi məbləğdə xüsusi çəkisi isə 82,11 %-dir , regionlara verilən kreditlərin məbləği isə 2 mlrd 304,8 mln manat və ya ümumi məbləğdə xüsusi çəkisi 16,96% təşkil edib.
Onu da qeyd edək ki, ötən ilin eyni dövründə kredit portfeli 11 mlrd 656,1 mln manat idi. Bakı şəhərinə verilən kreditlərin məbləği 9 mlrd 678,7 mln manat, regionlara verilən kredit məbləği isə 1 mlrd 977,4 mln manat olub.
Belə ki, bir il ərzində kredit portfeli 1 mlrd 228,6 mln manat və yaxud 10,54% artıb. Ötən ilin analoji dövrü ilə müqayisədə Bakı şəhərinə verilən kreditlərin məbləği 901 mln manat, regionlara verilən kredit məbləği isə 327 mln manat artıb.
