“Bank Respublika” ASC-nin 2023-cü ilin ilk 9 ayındakı xalis mənfəəti 25.67 mln. manat xalis mənfəət əldə edib. Ötən ilin ilk üç rübündə 19.09 mln. manat xalis mənfəət əldə etmişdi.
Banker.az bu barədə Bankın rüblük maliyyə hesabatına istinad edir.
Hesabata görə, bankın faiz gəlirləri illik müqayisədə 40 faiz artaraq 137.78 mln. manat, faiz xərcləri 42 faiz artaraq 53.81 mln. manat, qeyri-faiz gəlirləri 1 faiz artaraq 28.46 mln. manat və qeyri-faiz xərcləri 19% artaraq 76.8 mln. manata yüksəlib.
1 oktyabr 2023-cü il tarixinə bankın kapital balansındakı bölüşdürülməmiş mənfəət 43.96 mln. manat təşkil edib.
