2020-ci ilin yanvar ayının 1-nə ölkədə regionlar üzrə cəlb olunmuş əmanətlər 8 milyard 638 milyon manat olub.
Banker.az bu barədə Mərkəzi Banka istinadən xəbər verir.
Təkcə Bakı şəhərinə cəlb olunmuş əmanətlər 7 milyard 811 milyon manat təşkil edib ki, onun 3 milyard 439 milyon manatı milli valyutada, 4 milyard 372 milyon manatı isə xarici valyutada verilib.
Banklar milli valyutada depozitləri ən yüksək faizlə ilk üç pillədə 6,7% olmaqla Lənkəran iqtisadi rayonunda, 6,6% olmaqla Abşeron iqtisadi rayonunda, 6,3% olmaqla Gəncə-Qazax iqtisadi rayonunda qəbul edir.
Milli valyutada isə ən aşağı faizlə bankların depozit qəbul etdiyi regionlar isə Naxçıvan iqtisadi rayonu (2,6%) , Yuxarı Qarabağ rayonu (3,6%) , Şəki-Zaqatala iqtisadi rayonudur(4,4%).
Xarici valyutada ən yüksək faizlə depozit qəbul edilən regionlar isə 2 % olmaqla Yuxarı Qarabağ iqtisadi rayonudur. Bankların xarici valyutada ən aşağı faizlə əmanət cəlb etdiyi regionlar isə Naxçıvan iqtisadi rayonu(0,2%) , Dağlıq Şirvan (1,3%) iqtisadi rayonlarıdır.
