ABŞ prezidenti Co Bayden bu gün G7 ölkələrinin (Kanada, Fransa, Almaniya, İtaliya, Yaponiya, Böyük Britaniya) liderləri ilə virtual görüş keçirəcək.
Ağ Evin mətbuat katibi Karine Jan-Pyer bildirib ki, Ukrayna prezidenti Vladimir Zelenski “Ukraynaya dəstək və Rusiyanın müharibəyə görə məsuliyyət daşıması üçün səylərin əlaqələndirilməsini davam etdirmək üçün” görüşdə iştirak edəcək.
“Bir il əvvəl bu qrup Rusiya tanklarının Ukraynaya daxil olmasından bir neçə saat sonra toplaşdı. G7 Rusiyaya güclü və vahid cavabımızın lövbərinə çevrildi. Liderlər Ukraynanı necə dəstəkləyəcəyimizi və Putinə və onun təcavüzünə töhfə verən hər kəsə təzyiqi artırmağa davam edəcəyimizi müzakirə edəcəklər”, – deyə Karin Jan-Pyer bildirib.
