Qarşıdan xalqımızın ən böyük bayramlarından biri olan “Novruz” bayramı gəlir. Bu bayram hər il olduğu kimi bu il də  istirahət günlərinin sayının çoxluğu baxımından digər bayramlardan fərqlənir. Belə ki, dövlət tərəfindən 20 – 26 mart tarixləri qeyri – iş günü elan edilib. Qeyri – iş günlərində adətən insanların xərcləri daha da artır, kimisi ölkədaxili və ya ölkəxarici istirahətə yollanır, kimisi bayram endirimlərindən faydalanaraq alış-veriş edir, kimisi isə restoran, əyləncə mərkəzi və s.kimi obyektlərdə xərcləmələr edirlər.

Artıq bir neçə illərdir ki, banklarımız bayram ərəfələrində öz plastik kartlarından istifadəni stimullaşdırmaq üçün müəyyən kampaniyalar həyata keçirirlər. Bu il də istisna təşkil etmədi. Banker.az monitorinq qrupu olaraq bank kartlarından istifadə ilə bağlı olan kampaniyaları araşdırıb Sizlərə təqdim edirik.

Cədvəldən də göründüyü kimi, kart əməliyyatları üzrə endirimlər bazarın əsas müştəri kütləsinin istifadəçisi olan taksit kartlarıdır. Banker.az komandası olaraq bu kartlar içərisində keçirdiyi kampaniyalara görə Yapıkredibankın “Worldcard” taksit kartını və Bank of Bakunun “Bolkart. B kredit kartını xüsusilə fərqləndirmək istərdik. Hər iki bank müvafiq kart sahibləri üçün bayramöncəsi bütün seqmentləri nəzərə alaraq kampaniyalar elan edib. Belə ki, “Bolkart” və “Worldcard” istifadəçiləri həm ölkədaxili marketlərdə bayram alış-veriş edən zaman, həm məişət texnikası və geyim alan zaman həm də ölkəxaricində alış-verişlər zamanı kampaniyanın üstünlüklərindən faydalana biləcəklər.