Bu ilin yanvar-fevral ayları ərzində Azərbaycanda maliyyə sektoruna investisiya qoyuluşunun məbləği 800 min manat təşkil edib ki, bu da ötən ilin eyni dövrü ilə müqayisədə 75,4% çoxdur. Bu barədə Dövlət Statistika Komitəsi məlumat yayıb.
Statistikaya əsasən, ilk 2 ay ərzində maliyyə sahəsinə investisiyaların iqtisadiyyata yatırılan ümumi investisiya qoyuluşunda payı 0,04% olub.
Xatırladaq ki, 2018-ci ilin yanvar-fevral aylarında əsas kapitala yönəldilmiş ümumi vəsaitin 62,5%-i sənaye, 15,8%-i tikinti, 8,8%-i nəqliyyat və anbar təsərrüfatı, 6,8 %-i kənd təsərrüfatı, meşə təsərrüfatı və balıqçılıq, 2,8%-i dövlət idarəetməsi və müdafiə; sosial təminat, hər birində 0,8% olmaqla səhiyyə, istirahət, əyləncə və incəsənət sahəsində fəaliyyət, 0,5%-i turistlərin yerləşdirilməsi və ictimai iaşə, hər birində 0,3% olmaqla informasiya və rabitə, digər sahələrdə xidmətlərin göstərilməsi, hər birində 0,2% olmaqla ticarət; nəqliyyat vasitələrinin təmiri, peşə, elmi və texniki fəaliyyət, inzibati və yardımçı xidmətlərin göstərilməsi sahələrinə sərf edilib.
