BƏƏ-nin Şarja əmirliyinin yetkililəri ölkənin şimalında yerləşən Hadiba yatağında təbii qazın “perspektivli ehtiyatlarının” aşkar edildiyini açıqlayıb.
Bu barədə WAM agentliyi məlumat yayıb.
Yataq Şarja Milli Neft Korporasiyası tərəfindən aparılmış kəşfiyyat işləri zamanı aşkar edilib. Yaxın vaxtlarda şirkət yatağın potensial ehtiyatlarını müəyyən etməli və onun işlənməsinə başlamalıdır.
Hadiba Şarja əmirliyində quruda ən böyük beşinci yataqdır. Daha böyük qaz ehtiyatları Əs-Sacaa, Kaxif, Mahani, Müayəddə yataqlarında kəşf edilib.
