Avropa İttifaqı Brüsselin fikrincə Rusiyaya yardım göstərən 1600-dən çox şirkətə qarşı sanksiyalar tətbiq etməyi nəzərdən keçirir. Bu barədə yeni məhdudiyyətlər paketinin hazırlanması ilə tanış olan mənbələrə istinadən Bloomberg yazır.
Agentliyin məlumatına görə, qərar qəbul olunacağı təqdirdə bu, bir sanksiya paketi çərçivəsində qara siyahıya salınan hüquqi şəxslərin sayına görə ən böyük göstərici olacaq. Həmin şirkətlərin ümumi illik dövriyyəsi 20 milyard dolları ötür, işçilərinin ümumi sayı isə təxminən 265 min nəfərdir.
Bloomberg-in həmsöhbətlərinin sözlərinə görə, paket təsdiqlənərsə, Ukraynadakı münaqişə ilə əlaqədar Aİ sanksiyalarına məruz qalan təşkilatların sayı təxminən 50% artacaq. Məhdudiyyətlərin qüvvəyə minməsi üçün Avropa İttifaqına üzv bütün ölkələrin yekdil dəstəyi tələb olunur.
Xatırladaq ki, Avropa İttifaqı iyulun 23-də Rusiyaya qarşı 21-ci sanksiyalar paketini təsdiqləyib. Paketə 170 təşkilat və 48 fiziki şəxs daxil edilib. Məhdudiyyətlər həmçinin Rusiyanın 94 bank və iri maliyyə qurumuna, Moskva Birjasına və Rusiya Mərkəzi Bankı sədrinin müavini Mixail Mamutaya da şamil olunub.
Rusiya Prezidenti Vladimir Putin isə iyulun 27-də bildirib ki, Qərb ölkələri həm Rusiyaya qarşı tətbiq edilən sanksiyaların sayına, həm də onların səmərəsizliyinə görə rekordçudur. Onun sözlərinə görə, bu məhdudiyyətlər ilk növbədə onları tətbiq edən ölkələrə zərər vurur.
