BMT Qəzza zolağında fələstinlilərə humanitar yardım üçün lazım olan 294 milyon dolların üçdə birindən çoxunu artıq toplayıb. Qeyd edilir ki, təmiz içməli suyun olmaması, eləcə də təhlükəli mənbələrdən suyun istehlakı ciddi problem olaraq qalır.
Çatdırılan humanitar yardıma xəstəxanaların elektrik enerjisi və su təchizatı üçün çox ehtiyac duyulan yanacaq daxil deyil. Departamentdən bildirilib ki, artıq 12 xəstəxana və 46 ilkin tibbi yardım klinikası zədə və ya elektrik enerjisi və təchizat çatışmazlığı səbəbindən bağlanmağa məcbur olub.
“İndiyədək iştirakçı ölkələr (BMT) oktyabrın 12-də baş tutan müraciətdə hazırkı böhranın yaratdığı humanitar ehtiyacların həlli üçün təxminən 100 milyon dollar vəd ediblər ki, bu da ümumi 294 milyon dolların təxminən 34%-ni əhatə edəcək”, – press-relizdə deyilir.
İsrailin Fələstinin Həmas hərəkatı ilə müharibəsi oktyabrın 7-dən bu yana davam edir. İsrail tərəfdə 1.4 min, Qəzza zolağında isə qurbanların sayı 5 mini keçib. Oktyabrın 21-dən Misirlə sərhəddə fəaliyyət göstərən yeganə nəzarət-buraxılış məntəqəsi olan Rəfah vasitəsilə humanitar yardımların buraxılmasına başlanılıb. İsrail isə Qəzzaya yardımın qarşısını alacağına və xüsusən də orada yanacaq tədarükünün qarşısını alacağına söz verib.
