Türkiyənin Tokat şəhərində 2 qəbiristanlığa və 25 daşınmaz əmlaka bələdiyyənin borcu olduğu üçün sanksiya qoyulub. Yenicə bələdiyyə sədri seçilən Xəlil Demirkol vəzifəyə gələndən sonra bələdiyyənin xeyli borcu olduğunu öyrənib.
Demirkol, “Bələdiyyəmizin 5 milyon 500 min lirə borcu var imiş. 2 qəbiristanlığın vergi borcu olduğunu öyrənəndə həm çaşdım, həm də pis oldum. Keçmişimizin və dədə-babalarımızın bu vəziyyətdə qalması bizi çox kədərləndirdi. Qəbiristanlıqları sanksiyalardan azad etməyi planlaşdırırıq” deyib.
