Londonun ICE birjasında Brent markalı neftin qiyməti 2026-cı il iyunun 11-dən bəri ilk dəfə bir barel üçün 95 ABŞ dollarını ötüb. Bunu hərracların məlumatları göstərir.
Bakı vaxtı ilə saat 13:39-a olan məlumata görə, Brent markalı neftin qiyməti 4,15% artaraq bir barel üçün 95,26 ABŞ dollarına yüksəlib.
Kotirovkaların artımı ABŞ və İran arasında münaqişənin kəskinləşməsi fonunda Yaxın Şərqdən neft tədarükünün pozulması ilə əlaqələndirilir.
Bazar iştirakçılarının əhvalına Yəməndəki husilərin Səudiyyə Ərəbistanına qarşı dəniz blokadası elan etməsi də əlavə təsir göstərib. SABA agentliyinin məlumatına görə, bundan sonra son 24 saat ərzində altı ticarət gəmisi marşrutunu dəyişib.
