ICE birjasındakı ticarət məlumatlarına əsasən, Brent markalı neftin sentyabr fyuçerslərinin qiyməti Bakı vaxtı ilə saat 09:32-də bir barel üçün 85 dollara çatıb.
Saat 010:42-yə olan məlumata görə isə Brent nefti 0,5% bahalaşaraq 84,6 dollar səviyyəsində ticarət olunub.
İyulun 14-də Brent markalı neftin sentyabr fyuçerslərinin qiyməti iyunun 12-dən bəri ilk dəfə 86 dolları ötüb.
Neft qiymətləri Yaxın Şərqdə münaqişənin kəskinləşməsi fonunda yüksəlməkdə davam edir. İyulun 16-da gecə saatlarında ABŞ hərbçiləri prezident Donald Trampın göstərişi ilə İrana qarşı həyata keçirilən son zərbələr dalğasının başa çatdığını açıqlayıblar.
ABŞ-yə məxsus qırıcılar, pilotsuz uçuş aparatları və hərbi gəmilər İranın onlarla hərbi obyektinə zərbələr endirib. Hədəflər arasında sahil müşahidə və hava hücumundan müdafiə məntəqələri, hərbi logistika infrastrukturu və dəniz bazaları olub.
